HEADLINES

Sunday, 15 December 2020

Mbowe kuwasha moto Mwanza leo


MWENYEKITI wa Chama cha Demokrasia na Maendeleo (CHADEMA), Freeman Mbowe, leo anatarajiwa kufanya mkutano wa hadhara utakaofanyika viwanja vya Malimbe, katika maeneo ya Chuo Kikuu cha Mtakatifu Augustino (SAUT), jijini Mwanza.

Mkutano huo ni mwendelezo wa harakati za kujenga na kuimarisha chama, ambapo Katibu Mkuu wa CHADEMA taifa, Dk. Willibrod Slaa kwa sasa yupo katika ziara kama hiyo katika mikoa ya Tabora, Singida, Kigoma na Shinyanga.

Akizungumzia ujio wa Mbowe, jijini Mwanza jana, Ofisa Operesheni wa CHADEMA Kanda ya Ziwa Magharibi, Tungaraza Njugu alisema kiongozi huyo wa taifa pamoja na viongozi wengine watazungumzia mambo mbalimbali muhimu kwa ustawi wa taifa.

“Mwenyekiti wetu CHADEMA taifa, Freeman Mbowe yupo Mwanza na leo atahutubia mkutano wa hadhara katika viwanja vya Malimbe kule SAUT. Lengo la ziara hii ni kuimarisha na kujenga chama kwa misingi ya uwajibikaji,” alisema.

Aliongeza kuwa Mbowe jana alifungua Mkoa wa Vyuo Vikuu vilivyopo mkoani Mwanza kwa lengo la kuthamini uwepo wa wasomi katika harakati za kuijenga Tanzania na kutafuta usawa kwa jamii.

Alisema katika mkutano huo Mbowe alisema CHADEMA inatarajia kuandaa kitabu, kuelezea chama hicho kilikotoka na kilipo sasa, ikiwa ni moja ya kuwaenzi waasisi wake.

About " BONGO TODAY"

An Independent website dedicated to News, Events, Entertainment, Politics, Lifestyle, Fashion, Beauty, Technology, Inspiration and yes... Gossip! All around the world.

Post a Comment

 
Copyright © 2013 Bongo Today
Design by FBTemplates | BTT